Published on February 25, 2026, 03:31 PM
ජර්මානු-ආසියා පැසිෆික් ව්යාපාරික සංගමයේ ජර්මනියේ (OAV) බ්රෙමන් ශාඛාව විසින් කරන ලද ආරාධනාවකට අනුව, විදේශ කටයුතු, විදේශ රැකියා සහ සංචාරක අමාත්ය විජිත හේරත් මහතා, වෙළෙඳාම සහ විදේශ රැකියා සම්බන්ධ රැස්වීම් මාලාවකට සහභාගී වීම සඳහා 2026 පෙබරවාරි 26-27 වැනි දිනවල ජර්මනියේ සංචාරයක නිරත වීමට නියමිතය.
ආසියා පැසිෆික් ව්යාපාරික සංගමයේ බ්රෙමන් ශාඛාවේ 125 වැනි සංවත්සරයට අදාළ උත්සව සඳහා අමාත්යවරයා ආසියාවේ සම්භාවනීය ආරාධිත අමුත්තා සහ ප්රධාන කථිකයා ලෙස සහභාගී වන අතර ජර්මානු පාර්ශවයේ සම්භාවනීය ආරාධිත අමුත්තා සහ ප්රධාන කථිකයා ලෙස ජර්මනියේ විදේශ අමාත්ය ආචාර්ය ජොහාන් වාඩෙෆුල් සහභාගී වනු ඇත. OAV යනු ජර්මානු-ආසියානු ව්යාපාරික සබඳතා ප්රවර්ධනය කිරීම සඳහා වන විශාලතම ජර්මානු සංගමය වන අතර එය ආසියා පැසිෆික් කලාපයේ ජර්මානු ව්යාපාරික නායකයින් සහ ප්රතිපත්ති සම්පාදකයින් සම්බන්ධ කරයි.
මෙම සංචාරයේදී අමාත්ය හේරත් මහතා අමාත්ය වාඩෙෆුල් මහතා සමඟ සාකච්ඡා පැවැත්වීමටත්, ශ්රී ලංකාව පිළිබඳ ව්යාපාරික වටමේස සාකච්ඡාවකට සහභාගී වීමටත් නියමිතය.
