Published on December 20, 2025, 04:02 PM
"අද වන විටත් අවතැන් වෙච්ච, ගොවි බිම් අහිමි වෙච්ච, වගා බිම්, ගේ දොර අහිමි වෙච්ච , ජීවිත නැති වුණ මිනිසුන්ට කථා බහ කරලා මේ ප්රශ්නයට සාර්ථක විසඳුමක් ලබා දෙන්න ආණ්ඩුවට උවමනාවක් නෑ.ජනාධිපතිතුමා කොච්චර පාර්ලිමේන්තුවට ඇවිත් පොරොන්දු දුන්නත්, ජනාධිපතිතුමන්ගේ භාෂාවෙන්ම කියනවා නම් ඇත්ත කියනවා නම් එළියේ කියන්න, බොරු කියනවා නම් පාර්ලිමේන්තුවේ කියන්න කියනවානේ. ඉතින් ජනාධිපතිතුමා ඒ උපදේසය එතුමා පෙර පරිදී පුරුද්දට වගේ ඒ විදිහටම හැසිරෙනවා." යැයි ශ්රී ලංකා පොදු ජන පෙරමුණේ ජාතික සංවිධායක පාර්ලිමේන්තු මන්ත්රී නාමල් රාජපක්ෂ මහතා පැවසීය.
ඒ මහතා මේ බව ප්රකාශ කර සිටියේ අභාවප්රාප්ත හිටපු බන්ධනාගාර හා ප්රථිසංස්කරණ නියෝජ්යය අමාත්යය , හිටපු අනුරාධපුර දිස්ත්රික් පාර්ලිමේන්තු මන්ත්රී එස්.සී මුතුකුමාරණ මහතාගේ දේහයට අවසන් ගෞරව දැක්වීමට පැමිණී අවස්ථාවේ මාධ්යවේදීන් නැගූ ප්රශ්න කීපයකට පිළිතුරු ලබා දෙමින්ය.
හිටපු නියෝජ්යය අමාත්යය එස්.සී මුතුකුමාරණ මහතාගේ එප්පාවල කටියාව පිහිටි නිවසට අද (20) අලුයම පැමිණි නාමල් රාජපක්ෂ මහතා, පවුලේ පිරිස වෙත ශෝකය ප්රකාශ කළ අතර, ඒ අවස්ථාවේ අවමංගල්යයට පැමිණි බොහෝ පිරිසක් නාමල් රාජපක්ෂ මහතා සමඟ සෙල්ෆි ඡායා රූප ලබා ගැනීමට පොර කන අයුරුද දැක ගත හැකි විය.
අභාවප්රාප්ත එස්.සී මුතුකුමාරණ මහතාගේ දේහයට අවසන් ගෞරව දැක්වීමට ශ්රී ලංකා නිදහස් පක්ෂ මහ ලේකම් හිටපු අමාත්යය, දුමින්ද දිසානායක මහතාද පැමිණි අතර, ඔහුද පවුලේ පිරිස වෙත ශෝකය ප්රකාශ කර සිටියේය.
"ආණ්ඩුව හිතනවා කොළඹ සහ ඔවුන් වර්ථමානයේ ආශ්රය කරන මිනිස්සු අතර තමයි දේශපාලනය තියෙන්නේ කියලා.ගම් වල අද වන විටත් අවතැන් වෙච්ච, ගොවි බිම් අහිමි වෙච්ච, වගා බිම්, ගේ දොර අහිමි වෙච්ච , ජීවිත නැති වුණ මිනිසුන්ට කථා බහ කරලා මේ ප්රශ්නයට සාර්ථක විසඳුමක් ලබා දෙන්න ආණ්ඩුවට උවමනාවක් නෑ.ජනාධිපතිතුමා කොච්චර පාර්ලිමේන්තුවට ඇවිත් පොරොන්දු දුන්නත්, ජනාධිපතිතුමන්ගේ භාෂාවෙන්ම කියනවා නම් ඇත්ත කියනවා නම් එළියේ කියන්න, බොරු කියනවා නම් පාර්ලිමේන්තුවේ කියන්න කියනවානේ, ඉතින් ජනාධිපතිතුමා ඒ උපදේසය එතුමා පෙර පරිදී පුරුද්දට වගේ ඒ විදිහටම හැසිරෙනවා. ඩයස්පෝරාව ඔවුන්ට උදව් කරන්න ඇති, හැබැයි ගංවතුරින් අවතැන් වූ ජනතාවට උදව් කරාද කියලා අපි දන්නේ නෑ.
අයි.එම්.එෆ් එකෙන් ලැබුනේ ණය, ඉතින් ඒවා මේ රටේ මහජනතාවගේ බදු මුදල් වලින් ගෙවන්න ඕන, ණය වලින් ආධාර දුන්නොත් ආර්ථිකයට ආදායමක් නෑ, මේ ණය ආයෝජනය කලොත් ආර්ථිකයට ආදායමක් තියෙනවා.අපි ණය අරන් ආයෝජනය කරපු අය, ණය අරන් කන්න බොන්න දීපු අය නෙමෙයි. හැබැයි මේ රටේ ගොවියාගේ ගොවි බිම සරුසාර කරලා, ධීවරයාගේ ආර්ථිකය ශක්තිමත් කරලා ජනතාවට කන්න බොන්න පුලුවන් විදිහට ආර්ථිකයක් හදපු දේශපාලන බලවේගයක්, අපි ගත්ත ණය ආයෝජනය කලේ යටිතල පහසුකම් හදන්න, ඉතින් මම හිතනවා පළවැනිම දේ ආණ්ඩුව ගණනය කරලා තියෙනවාද මේ වෙච්ච පාඩුව? ආධාර ලැබෙනවා , මුදල් ලැබෙනවා.මේක ඇති ඒ හින්දා භය වෙන්න දෙයක් නෑ කියන ආණ්ඩුව වර්ථමානය වන විට ගණනය කරලා තියෙනවාද මේ ආපදාව නිසා ලංකාවට අත්වෙච්ච හානිය.ඉතින් එහෙම ගණනය නොකර කටට එන ඒවා කිව්වාම පහුකාලීනව ප්රශ්න වෙයි."යැයි පැවසීය.
