Published on October 30, 2025, 09:10 PM
ශ්රී ලංකාවේ යටිතල පහසුකම් සංවර්ධනය කිරීමේ ව්යාපෘති වලට දායකත්වය දැක්වීම ඇති ආයෝජන අවස්ථා සොයා බැලීම සදහා චීන රජයේ සහ එරට ප්රමුඛතම ව්යාපාරික සමාගම් වල නියෝජිතයන් 10 දෙනෙකුගෙන් යුතු පිරිසක් 10/30 දින රාත්රී කටුනායක ගුවන් තොටුපොළ ඔස්සේ මෙරටට පැමිණියේය .
ඔවුන් චීන - ශ්රී ලංකා ව්යාපාරික සබදතා ශක්තිමත් කෙරෙන " සේද මාවත" වැඩසටහන යටතේ පැමිණ තිබුණි .
මෙම චීන ආයෝජකයන් පිරිස ශ්රී ලංකාවේ තේ කර්මාන්තය , කෘෂි , වානිජ , වාරි යන අංශ වල යටිතල පහසුකම් වැඩි දියුණු කිරීම සදහා ආයෝජනය කිරීමට අපේක්ෂා කෙරේ .
මෙම ආයෝජකයන් පිරිස 10/30 දින රාත්රී 06.00 ට චීනයේ ෂැංහයි නුවර සිට චයිනා ඊස්ටන් ගුවන් සේවයේ එම්.යූ.- 6017 දරන ගුවන් යානයෙන් කටුනායක ගුවන් තොටුපොළ වෙත පැමිණ සිටි අතර ඔවුන් පිළිගැනීම සදහා මෙරට චීන ව්යාපෘති සම්බධීකරණය කෙරෙන පෞද්ගලික ආයතනයක නිලධාරීන් පිරිසක් ද ගුවන් තොටුපොළ වෙත පැමිණ සිටියහ .
