Published on June 26, 2025, 08:15 PM
තාක්ෂණික සේවාස්ථ පුහුණුලාභීන් (TITP) ලෙස ජපානය බලා යාමට නියමිත ශ්‍රී ලාංකික තරුණ තරුණියන් 16 දෙනෙකු වෙත ගුවන් ටිකට්පත් ප්‍රදානය කිරීම, ඊයේ දින (2025.06.25) ශ්‍රී ලංකා විදේශ සේවා නියුක්ති කාර්‍යාංශයේදී සිදුකරන ලදී.
එම පිරිසට සාත්තු සේවා පුහුණුලාභී තරුණියන් 04 දෙනෙකු, නිශ්පාදන රැකියා සඳහා 04 දෙනෙකු හා ඉදිකිරීම් ක්ෂේත්‍රයේ පුහුණුලාභී තරුණයින් 08 දෙනෙකු අයත්වේ.
ජපානයේ පිහිටි IM ජපන් ආයතනය හා ශ්‍රී ලංකා විදේශ සේවා නියුක්ති කාර්යාංශය අතර ඇති කර ගත් අවබෝධතා ගිවිසුමට අනුව ශ්‍රි ලාංකිකයින් තාක්ෂණික සේවාස්ථ පුහුණු ලාභීන් වශයෙන් ජපානය වෙත යොමුකරන අතර, මේ වන විට පුහුණු ලාභීන් 589 ක පිරිසක් ජපානයේ තාක්ෂණික සේවාස්ථ පුහුණුව සඳහා යොමුකර ඇත. ජ
පානයට යාමට සූදානමින් තවත් 100 ට අධික පිරිසක් පෙර විගමණික පුහුණුව ලබමින් සිටියි. නියමිත පුහුණු කාලසීමාව සාර්ථකව අවසන්කර මෙරටට පැමිණි පුහුණුලාභින්, සඳහා ව්‍යාපාර ආරම්භ කිරීමට සහාය දීමේ වැඩපිළිවෙලක්ද මෙම පුහුණු වැඩසටහන යටතේ ක්‍රියාත්මකව පවති.
ගුවන් ටිකට්පත් ප්‍රදානය කිරීමේ අවස්ථාවට කාර්යාංශයේ සභාපති කෝශල වික්‍රමසිංහ, අතිරේක සාමාන්‍යාධිකාරි (ජාත්‍යන්තර කටයුතු) පී.ජී.ජී.එස් යාපා මහතා, ජ්‍යෙෂ්ඨ කළමනාකරු (බඳවාගැනීම්) සුසිල් කුමාරපේලි මහතා සහ IM Japan ආයතනයේ ශ්‍රි ලංකා කාර්යාලයේ නියෝජිතයන්ද එක්ව සිටියහ.
